ក្រុមរបស់លោក Jose Mourinho បានត្រឹមឈរលេខ៦ប៉ុណ្ណោះ កាលពីរដូវកាលមុន ដោយតាមពីក្រោយក្រុមជើងឯក Chelsea ២៤ពិន្ទុ ហើយទទួលបានលទ្ធផលស្មើដល់ទៅ១៨ប្រកួត។ Jose សង្ឃឹមថា ការធ្វើជំនួញរដូវកាលនេះ អាចមានលទ្ធភាពខ្លាំងជាងមុន ដើម្បីដណ្ដើមពាន ខណៈមកដល់ពេលនេះ កីឡាករ Matic, Lindelof, និង Lukaku បានចុះកុងត្រាសម្រេចហើយ។
ក្នុងនាមជាកីឡាករចុងក្រោយគេរបស់ Man Utd ខ្សែបម្រើជម្រើសជាតិស៊ែប បាននិយាយថា ក្រុមអាចប្រកួតប្រជែងបានទាំងពានលំដាប់អឺរ៉ុប និងពានក្នុងស្រុក។ ” ខ្ញុំគិតថាកីឡាកររបស់យើង គឺគ្រប់គ្រាន់អាចប្រជែងបានហើយ ព្រោះពួកគេធ្លាប់ធ្វើការជាមួយ Jose មួយឆ្នាំមកហើយ។ ក្នុងនាមជាសមាជិកម្នាក់ ខ្ញុំគិតថាយើងអាចធ្វើរឿងល្អៗជាងនេះ។ ខ្ញុំជឿជាក់ថាពួកយើងនឹងព្យាយាមឈ្នះ Premier League ដ៏ដូចជា Champions League ហើយអ្នកនឹងមិនដឹងនូវអ្វី ដែលអាចកើតឡើងនៅខាងមុខបានទេ”។
“ វាតែងតែពិសេសដែលយើងលេងបានល្អ ហើយប្រកួតប្រជែងគ្រប់ពានរង្វាន់ដែលអាចទៅរួច។ គ្រប់ក្រុមល្អបំផុតក្នុងតំបន់អឺរ៉ុបក៏គេធ្វើដូចនេះដែរ។ Manchester United គឺជាក្រុមល្អបំផុតមួយក្នុងចំណោមក្រុមល្អៗទាំងអស់នៅអឺរ៉ុប វាពិតជាពិបាកណាស់ដែលបង្កើតគម្រោងមួយមុនពេលរដូវកាលមកដល់ ប៉ុន្តែយើងនឹងព្យាយាមឈ្នះគ្រប់ការប្រកួត។”
No comments:
Post a Comment